Гадаад иргэнийг хуульд заасан үндэслэлээр урих, урилгыг хянан шийдвэрлэх, виз олгох үйл ажиллагааны талаар товч мэдээлэл:

Гадаад иргэний эрх зүйн байдлын тухай хуулийн 22.1 дэх хэсэгт зааснаар Монгол Улсад албан болон хувийн хэргээр 30 хүртэл хугацаагаар зорчих гадаадын иргэнийг зорчигч гэнэ. 

Жич: Монгол Улсын олон улсын гэрээгээр визгүй зорчихоор тохиролцсон орнуудын иргэдийн хувьд урилга шаардлагагүй.  

Нэг. Албан хэргээр Монголд зорчих гадаад иргэнийг урихад дараах  бичиг баримтыг бүрдүүлнэ.  Үүнд:

 -Хуулийн этгээдийн гарын үсэг зурж тамгаар баталгаажуулсан албан бичиг  (компанийн үйл ажиллагааны тухай товч мэдээлэл, гадаадын зоргчигч урих үндэслэл бүхий)

- Уригдагчийг харьаялах хуулийн этгээдийн нэр, хаяг, уригдагчийн бүтэн нэр латин үсгээр, албан тушаал, паспортын хуулбар, Монголд байх хаяг, хөтөлбөр

- Паспортын хуулбар

-Батлан даах бичиг 

Хоёр. Жуулчдыг урих. БНХАУ-ын жуулчдыг хүлээн авах эрх бүхий компаниуд цахим хэлбэрээр урьж жуулчиддаа виз авна. Бусад орны жуулчдыг урих жуулчны байгууллагууд дараах бичиг баримтыг бүрдүүлнэ. Үүнд:

- Албан бичиг, хөтөлбөр, паспортын хуулбар

Гурав. Хураамж 

Урилгын эхний 10 хүнд нийтдээ 10 ам.доллар, 11 дэх хүнээс эхлэн хүн бүрт 2 ам.доллар төлнө.

Бүрдүүлсэн баримт бичгийг Гадаад харилцааны яамны Консулын газрын үйлчилгээний танхимд Даваа-Баасан гарагт 10:00-12:00 цагт  хүлээн авна.